Ne kete udhezues do te shpjegojme se si te zgjedhesh nje lavatrice. Si fillim të shohim se cilat janë llojet e ndryshme të lavatriçeve dhe më pas të thellohemi në karakteristikat teknike te tyre, ne menyre qe te keni parasysh aspektet kryesore perpara se te blini kete produkt. Kjo do të thotë, qe do të mësoni të lexoni letren me informacione që gjeni të bashkangjitur me pajisjen, e cila tregon specifikimet teknike të modelit.
Permbajtja
- Si te zgjedhesh nje lavatrice: Llojet e lavatriceve
- Si te zgjedhesh nje lavatrice: Madhesia dhe kilet qe mbajne
- Konsumi dhe kalasa e efiçencës së energjisë
- Rrotullimi i kazanit per minute
- Si te zgjedhesh nje lavatrice: Zhurma
- Programet e larjes
- Nisja e programuar dhe funksionet inteligjente
- Pastrimi dhe mirembajtja
Si te zgjedhesh nje lavatrice: Llojet e lavatriceve
Së pari duhet bërë dallimi midis lavatriceve të integruara dhe lavatriçeve me instalim te lire. Lavatricet me instalim të lirë mund të vendosen kudo, lavatriçet e integruara duhet të vendosen brenda nje mobilje.
Ato te integruara jane nje zgjidhje perfekte prsh nese nuk keni hapesire ne tualet dhe doni ta vendosni ne kuzhine sepse futet brenda mobiljes dhe kur mbyllni deren pajisja nuk duket, prandaj dhe quhen edhe lavatriçe te padukshme.
Duhet vene ne dukje edhe një ndryshim tjetër midis lavatriceve standarde, të slim dhe atyre me mbushje nga lartë. Lavatriçet standarde kanë një thellësi prej 60 cm, ndërsa lavatricet slim janë më të holla dhe 30-45 cm të thella.
Të dyja kanë gjithmonë mbushjen nga përpara, pra deren e xhamit, megjithatë ato të slim kanë një thellësi më të vogël dhe janë të përshtatshme nëse nuk keni shumë hapësirë, pikërisht sepse janë të holla.
Avantazhi i makinave larëse slim është se ju mund të kurseni hapësirë në shtëpinë tuaj, megjithatë mbani mend se këto modele kanë një kapacitet më të vogël ngarkese se të tjerat.
Lavatricet me mbushje nga larte janë modele që nuk kanë deren në qendër, por një kapak sipër tyre që hapet për të ngarkuar kazanin nga lart.
Ato janë modele të thella si modelet standarde, por janë më të vogla në gjerësi dhe zakonisht nuk janë të integruara te mobiljet, pasi hapja është siper. Së fundi, ka lavatriçe që lajne dhe thajne rrobat në të njëjtën kohë.
Si te zgjedhesh nje lavatrice: Madhesia dhe kilet qe mbajne
Gjëja e parë që duhet t’i kushtoni vëmendje kur blini një pajisje të madhe është madhësia e saj ose rrezikoni të mos mund ta vendosni aty ku dëshironi.
Në letren me informacione që gjendet në makinën larëse, madhësia tregohet gjithmonë si më poshtë: thellësia [p] x gjerësia [l] x gjatësia [h] e shprehur në centimetra.
Lavatriçet standarde kane një madhësi 60 x 60 x 85 cm. Megjithatë, këto matje nuk marrin parasysh hapësirën e hapjes së derës ose kapakut për ato qe mbushen nga siper, ndaj kushtojini vëmendje edhe këtij aspekti.
Makinat larëse të holla/slim, kanë një dimension prej 30 x 60 x 85 cm, por disa nga lavatriçet më të holla mund të arrijnë edhe 45 cm në thellësi, ndërsa matja më e zakonshme për makinat larëse me mbushje nga lart është 60 x 40 x 85 cm.
Madhësia e makinës larëse ndikon në kapacitetin e saj të ngarkesës, pra kapacitetin e kazanit, që sigurisht nuk është një aspekt për t’u nënvlerësuar.
Modelet më të zakonshme të lavatriçeve standarde kanë një kapacitet prej 8/9 kg, i cili është i mjaftueshëm për një familje prej katër anëtarësh, por ato nuk janë të përshtatshme nëse dëshironi të lani, për shembull, jorgan dhe batanije.
Lavatriçet më të mira me mbushje nga lart zakonisht kanë një ngarkesë prej 6 kg, pastaj janë ato të holla/slim janë përgjithësisht modele me ngarkesë 4-5 kg.
Në treg mund të gjeni edhe lavatriçe ekstra të mëdha me kazan që mban nga 10 deri në 12 kg.
Konsumi dhe kalasa e efiçencës së energjisë
Lavatricja është një pajisje që konsumon shumë korent, ndaj nëse nuk doni surpriza të këqija në faturë, duhet t’i kushtoni vëmendje këtij aspekti.
Konsumi i pajisjeve të mëdha tregohet, me ligj, në etiketën e energjisë bashkangjitur sipër. Bëhet fjalë për një leter me ngjyra në të cilën ka një shkronjë që tregon klasifikimin e energjisë dhe nga e cila mund të kuptoni se sa konsumon.
Në pajisjet më të fundit, klasifikimi i energjisë shprehet me shkronjat nga A në G, ku A përfaqëson lavatriçet që konsumojnë më pak dhe G ato që konsumojnë më shumë.
Nëse lavatriçe juaj është një model më i ri, përpara marsit 2021, kur ndryshuan etiketat e energjisë, do të gjeni një shkronjë të ndjekur nga simboli +.
Klasifikimi i vjetër shkon nga A+++ në G, ku A+++ korrespondon me klasën e re D, klasa e vjetër A++ me klasën e re E dhe klasa e vjetër A+ me klasën e re F; të gjitha klasat e barabarta ose më të ulëta se A, korrespondojnë me kategorinë e re G.
Përveç kësaj, etiketa përmban edhe informacione të tjera si: konsumi vjetor, i shprehur në kWz; konsumi, gjithmonë i shprehur në kWh, për 100 cikle larjeje, me programin ECO 40-60; konsumi i ponderuar i ujit (simboli i rubinetit), i shprehur në litra për cikël funksionimi.
Nëse zgjidhni një model qe edhe than rrobat pasi i lan, atëherë etiketa e energjisë është më e gjerë dhe gjithashtu do të gjeni të njëjtat indikacione për fazën e tharjes, për shembull sa konsumon për 100 cikle.
Rrotullimi i kazanit per minute
Një aspekt që duhet të keni parasysh kur zgjidhni një makinë larëse të re është shpejtësia e rrotullimit të kazanit gjatë fazës së centrifugimit dhe e cila shprehet në rmp, pra një vlerë numerike që tregon se sa rrotullime në minutë kryen kazani.
Mos harroni se sa më shpejt të rrotullohet, aq më shumë ujë largon nga rrobat dhe për këtë arsye ato do të thahen më shpejt. Megjithatë, nëse cikli i centrifugimit shkon shumë shpejt, rrezikon të dëmtojë veshjet, veçanërisht ato delikate.
Në përgjithësi, kur vendosni ciklin e larjes, shpejtësia me të cilën rrotullohet kazani gjatë ciklit të centrifugimit ndryshon gjithashtu, dhe në disa modele, ju mund të zgjidhni shpejtësinë sipas dëshirës tuaj.
Lavatriçet më të mira ekonomike kanë një shpejtësi minimale centrifugimi prej 400 rpm, kur ato rrotullohen ngadalë, ndërsa gjatë centrifugimit të shpejtë është rreth 1000/1200 rpm, por edhe modelet më profesionale mund t’i tejkalojnë shumë këto vlera.
Le të themi se për leshin dhe artikujt delikate duhet të përmbaheni në një shpejtësi midis 400 dhe 600 rpm, ndërsa sintetika mund të shkojë edhe me një shpejtësi prej 800 rpm, më rezistenti është pambuku që mbështet ciklin e shpejtë të centrifugimit.
Si te zgjedhesh nje lavatrice: Zhurma
Niveli i zhurmës së një lavatriçe shprehet në decibel (dB) dhe në etiketën e energjisë do të gjeni gjithashtu informacion mbi zhurmën maksimale që mund të lëshojë lavatriçja.
Ndersa në fletën e hollësishme të të dhënave teknike të pajisjes, do të gjeni informacione më të detajuara si zhurma e lëshuar gjatë fazës së larjes ose centrifugimit.
Le të themi se një lavatriçe, për të mos shkaktuar shumë probleme, nuk duhet të kalojë 50 dB gjatë fazës së larjes dhe 70 dB gjatë ciklit të centrifugimit, por në qarkullim mund të gjeni edhe modele qe bejne shume pak zhurme.
Programet e larjes
Makinat larëse mund të nisin me programe të ndryshme larëse të përshtatshme për llojin e veshjes që po lani.
Pothuajse të gjitha lavatriçet kanë programe për t’u zgjedhur në bazë të llojit të rrobavve (p.sh. pambuku, leshi, sintetika, etj) ku ndryshon lloji i larjes, nga temperatura në ciklin e centrifugimit.
Në përgjithësi, është gjithmonë e mundur të vendosni temperaturën e ujit manualisht, për shembull për të bërë një larje të ftohtë. Në disa modele mund të zgjidhni edhe shpejtësinë e centrifugimit manualisht.
E njëjta gjë vlen edhe nëse zgjidhni një lavatrice qe edhe than rrobat, sepse përveç programeve të larjes do të keni në dispozicion edhe një sërë programesh të përshtatshme për tharjen e llojeve të ndryshme të rrobave.
Së fundi, të gjitha lavatriçet kanë një program të shpejtë të larjes që mund ta përdorni, për shembull për sende të ndotura pak ose jashtëzakonisht delikate.
Numri i programeve ndryshon nga modeli në model dhe gjithashtu ndryshon me çmimin, ku në përgjithësi lavatriçet më të shtrenjta ju lejojnë të personalizoni më shumë ciklin e larjes.
Nisja e programuar dhe funksionet inteligjente
Disa lavatrice kanë një funksion të programimit të fillimit te larjes, dmth i ngarkoni ato dhe zgjidhni kohën kur te fillojne me larjen.
Ky funksion është shumë i përshtatshëm dhe për shembull, ju lejon të programoni larjen në mënyrë që të përfundojë kur të ktheheni në shtëpi, duke shmangur kështu nevojën për ta nisur më herët dhe për të lënë rrobat e lagura të mbyllura brenda për një kohë të gjatë.
Lavatriçet inteligjente janë të pajisura me një lidhje interneti dhe mund të lidhen me telefonat inteligjentë dhe tabletët.
E tëra çfarë ju duhet të bëni është të shkarkoni dhe instaloni aplikacionin zyrtar dhe mund të filloni të lani dhe të kontrolloni çdo aspekt të programimit, nga komoditeti i pajisjes telefonit tuaj.
Përveç kësaj, aplikacionet inteligjente të makinës larëse ju lejojnë të kontrolloni statusin e pajisjes, nëse ka probleme ose ka mesazhe gabimi, si dhe të dërgoni një raport për ndihmë.
Si te zgjedhesh nje lavatrice: Pastrimi dhe mirëmbajtja
Pasi të keni blerë një makinë larëse, për ta përdorur atë në performancën maksimale dhe për të parandaluar prishjen e parakohshme, është e nevojshme të kryeni rregullisht operacione pastrimi dhe mirëmbajtjeje.
Para së gjithash kundër kalcarit, sepse është një pajisje që punon kryesisht me ujë dhe normalisht ky operacion duhet të kryhet çdo 1-2 muaj, edhe në varësi të përdorimit.
Një tjetër gjë e rëndësishme është të mbani mend të lani herë pas here vendin e detergjentit, sepse çdo mbetje mund të ngurtësohet dhe ta bllokojë atë, duke ngadalësuar kalimin e ujit.
Së fundi, lavatriçet kanë një filtër që duhet të pastrohet periodikisht, kjo është një pjesë e lëvizshme që zakonisht gjendet poshtë pjesës së përparme, në çdo rast, pozicionin në modelin tuaj do ta gjeni edhe në udhëzimet e pajisjes.
