Ne kete udhezues do te shpjegojme se si te modifikosh mesazhet e derguara ne WhatsApp. Per shembull, pasi keni derguar nje mesazh te nje person tjeter, keni pare ndonje gabim ne shkrim apo doni te shkruani dicka tjeter, atehere keni mundesine qe te beni ndryshime ne mesazhin e derguar. Me poshte do te shikojme se si te veproni nga aplikacioni WhatsApp per telefon Android, iPhone, si dhe WhatsApp Web per kompjuter.
Permbajtja
- Informacioni paraprak
- Si te modifikosh mesazhet e derguara ne WhatsApp: telefon Android dhe iPhone
- Si te modifikosh mesazhet e derguara ne WhatsApp Web: Kompjuter
Informacioni paraprak
Përpara se të shpjegoj se si të modifikoni/ndryshoni mesazhet e derguara në WhatsApp, duhet t’ju informoj se kjo është një veçori e prezantuar në anën e serverit dhe për rrjedhojë, nuk është e nevojshme të prisni ardhjen e një versioni të ri të WhatsApp për ta përdorur atë.
Megjithatë, për t’u siguruar që mund të përdorni WhatsApp dhe të gjitha veçoritë e tij pa asnjë problem, ju sugjeroj që të kontrolloni nëse aplikacioni është përditësuar në versionin më të fundit të disponueshëm, nëpërmjet Play Store per telefon Android ose App Store per iPhone.
Për më tepër, duhet të dini gjithashtu se, aktualisht, ju mund të modifikoni mesazhet në WhatsApp brenda 15 minutave nga dërgimi i tyre dhe se, siç do t’ju tregoj më poshtë, procedurat mund të kryhen para së gjithash duke vepruar nga një telefon nepermjet aplikacionit WhatsApp. Nga një kompjuter, është e mundur të kryhet kjo procedure, por aktualisht, funksioni është i disponueshëm vetëm në WhatsApp Web.
Së fundi, ju informoj për faktin se pas modifikimit të një mesazhi në WhatsApp, teksti i tij përditësohet dhe historia e modifikimeve të bëra nuk do të jetë e dukshme (megjithatë mesazhi do të ketë te shkruar poshte fjalet Ndryshuar/Modificato/Edited, e dukshme edhe për marrësin e mesazhit, duke treguar se teksti është ndryshuar).
Si te modifikosh mesazhet e derguara ne WhatsApp: telefon Android dhe iPhone
Tani le te shikojme se si te veprojme ne nje telefon Android dhe ne nje iPhone. Nese keni dërguar një mesazh nje personi në WhatsApp, por pasi e keni bërë këtë, kuptuat se keni bërë gabime në tekst, apo doni te hiqni apo shtoni fjale, atehere nëse nuk kanë kaluar më shumë se 15 minuta nga dërgimi, mund ta modifikoni dhe përditësoni tekstin.
Per ta bere kete, hapni WhatsApp dhe duke përdorur ekranin Chat (aty ku jane te gjitha bisedat qe keni bere), gjeni dhe hapni bisedën, pastaj shkoni te mesazhi i interesit tuaj. Pasi të bëhet kjo, shtypni dhe mbani gishtin shtypur mbi mesazhin qe doni te modifikoni dhe më pas, në telefon Android, shtypni butonin (…) lart djathtas për të hapur menunë.
Tani, si në telefon Android ashtu edhe në iPhone, shtypni artikullin Edit/Modifica/Ndrysho. Më pas bëni ndryshimet ne fushen qe do shfaqet me poshte dhe pastaj shtypni butonin √ për të konfirmuar ndryshimet dhe për të përditësuar tekstin e mesazhit.
Në fund të këtij operacioni, teksti i mesazhit do të kete te shkruar poshteModified/Modificato/Edited/Ndryshuar, që tregon se mesazhi është modifikuar. Ky shkrim shikohet nga derguesi i mesazhit, si dhe nga marresi i mesazhit.
Si te modifikosh mesazhet e derguara ne WhatsApp Web: Kompjuter
Nese dëshironi të modifikoni mesazhet e derguara ne WhatsApp duke vepruar nga kompjuteri, atehere në këtë rast duhet të keni parasysh se për të pasur sukses, duhet të veproni përmes WhatsApp Web. Fatkeqësisht në momentin e shkrimit, versioni desktop i WhatsApp nuk ka funksionalitetin për të modifikuar mesazhe, megjithëse supozoj se do të prezantohet së shpejti.
Pasi të lidheni me WhatsApp Web duke skanuar kodin e duhur QR, gjeni bisedën dhe mesazhin që dëshironi të modifikoni, gjithmon brenda 15 minutave nga dërgimi.
Tani, klikoni mbi mesazhin dhe në menunë e shfaqur, shtypni butonin Edit. Më pas bëni ndryshimet në tekstin e mesazhit dhe shtypni butonin √ për të konfirmuar ndryshimet.
Përsëri, pas redaktimit të mesazhit, do të shfaqet fjala Edited/Modificato, duke i treguar marrësit se teksti i mesazhit është redaktuar.
